Thursday 6 January 2011

ബ്രിക്ക്സ് ഗെയിം


അകലങ്ങളെ 
ശകലങ്ങളാക്കി വെട്ടിയെടുത്ത്
അടുക്കിവെക്കുന്നുണ്ട്
ഒരു നഗരവും 
ഊര്‍ന്നുപോകാതെ

എന്നാല്‍ 
കന്യാകുമാരിയെ 
കാസര്‍ഗോട്ടേക്കും 
കൊച്ചിയെ 
കോഴിക്കോട്ടേക്കും
ചേലക്കരയെ
മാവേലിക്കരയിലേക്കും മാറ്റും

രാമേട്ടന്റെ വീടിന്റെ നിറം 
കൃഷ്ണേട്ടന്റെവീടിനുകൊടുക്കും
ഇടവഴികള്‍ 
പെരുവഴികളാക്കും

കാഞ്ഞങ്ങാട്ടിറങ്ങേണ്ടവന്‍
കൊല്ലത്തോ 
കൊയിലാണ്ടിയിലോ ഇറങ്ങട്ടെ 

ജോലി കഴിഞ്ഞ് മടങ്ങുന്ന തുളസി 
പ്രസാദിന്റെ വീട്ടില്‍ കയറി 
രമേഷിനെകെട്ടിപ്പിടിക്കും 

എന്തായാല്‍ 
എനിക്കെന്താ 

മൈലുകള്‍ക്കപ്പുറത്തു നിന്ന്
നിന്നെ എടുത്തുമാറ്റി 
അയല്‍പക്കത്ത്  
താമസിപ്പിച്ചിട്ടുണ്ട് 

ഇനി ബസ്സും കാറും 
കയറി പോവണ്ടല്ലോ 
നിന്നെ ഒന്ന് ഉമ്മ വെക്കാന്‍ 

6 comments:

ജസ്റ്റിന്‍ said...

അതിമോഹമാണല്ലോ ഷാജി. അടുക്കിയാല്‍ ഇത്ര നന്നാകുമോ. പ്രേമത്തിന് കണ്ണുണ്ട് അല്ലെ.

joice samuel said...

തുടര്‍ന്നും എഴുതു...
ആശംസകളോടെ,
ജോയ്സ്.

ചിത്ര said...

thamasippichath ayalpakkatho ullilo? :)

jain said...

enthinanu ayalpakath thamasipichath, veetilekanaenkil athra polum kashtapedendi varillayirunnallo
pinne oru ummaku vendi keralathe motham mati adukiyalle?
nammude janadhipathyathe koodi mati adukukayanenkil..

Umesh Pilicode said...

കൊള്ളാം മാഷെ നന്നായിരിക്കുന്നു

arifa said...

രണ്ടു പേര്‍ ചുംബിക്കുമ്പോള്‍ ലോകം മാറുന്നു
ചിന്തകള്‍ക്ക് ദിശയും ദശയും വെയ്ക്കുന്നു,
അക്കൂട്ടത്തില്‍ അടുക്കിപ്പെരുക്കലും വെട്ടിയൊട്ടിക്കലും കൂടിയാവുമ്പോള്‍
എല്ലാ അകലങ്ങളും അടുപ്പങ്ങളായ് തന്നെ വരും, നിശ്ചയം.