കൂട്ടം തെറ്റാതെ
മുയലുകള്‍ക്കൊപ്പം
കൂട്ടരറിയാതെ
പൂച്ചകള്‍ക്കൊപ്പം
വഴി പിഴക്കാതെ
ചിറകടിപ്പാടിനൊപ്പം
പക്ഷികള്‍ പോയ വഴിയെ ,
ഒരേ ഉടുപ്പിട്ട്
ചിത്രശലഭങ്ങളില്‍ ഒന്നായി ,
കാട്ടുമരങ്ങളെ കെട്ടി പിടിച്ച്
പാറ കൂട്ടങ്ങള്‍ക്ക് മേല്‍
ചെവി ചേര്‍ത്തു വെച്ച്
കേള്‍ക്കാനാവുമോ
പൂച്ചകളുടെ,
മുയലുകളുടെ ,
പൂമ്പാറ്റകളുടെ ,
മരങ്ങളുടെ ദേവാലയങ്ങളില്‍ നിന്ന്
ഒരു പള്ളി മണി
ഒരു നൊവേന
അവരുടെ കുരിശിലും
ദൈവ പുത്രന്‍
മനുഷ്യനാവുമോ
കുമ്പസാരകൂടുണ്ടാവുമോ ?
No comments:
Post a Comment